Nu Turun ti Langit

Dina haté langit peuting nu wening

Jibril lungsur kana suhunan

Jangjang-jangjangna anu hurung mancur

Sumebar minuhan sagara keusik

Dina haté langit peuting nu nyaring

Ngagebur cahaya rumaksa

Turun dicangking ku anu towéksa

Pikeun miceun sakumna dosa

Daun-daun korma tumungkur

Di laut ombak gé simpé

Di sagara keusik angin taya nu nyaring

Nyaksi datangna hiji dawuhan

(Apip Mustopa)